سياسة الاستبدال والاسترجاع

بخور مُهرة منتج استهلاكي بيتفتح ويتحرق، وكل قطعة بتتشكّل بإيدينا بعد ما تطلبها إنت. عشان كده مابنقبلش استرجاع أو استبدال لمجرد تغيير الرأي — مثلاً لو الريحة ماعجبتكش بعد ما فتحت العبوة.

العربون

بنبدأ بعربون ١٠٪ من قيمة الطلب، لأن الخامات بتتصرف والقطع بتتشكّل مخصوص ليك. الباقي بتدفعه كاش عند الاستلام.

لو رفضت الشحنة بسبب عيب فيها (مكسورة، ريحة غلط، عدد ناقص) — بنرجّعلك العربون كامل، أو نستبدل الطلب، والاختيار لك.
لو رفضت الشحنة من غير عيب — العربون بيتخصم مقابل الخامات والشغل اللي اتصرف، ومش هيتحصّل منك أي مبلغ تاني.
لو إحنا اللي ماقدرناش ننفّذ الطلب — بنرجّع العربون كامل من غير أي خصم.

لو الغلط منّنا — بنصلّحه على حسابنا

في الحالات دي بنبعتلك بديل أو بنرجّع فلوسك بالكامل (العربون واللي دفعته)، والاختيار لك:

المنتج وصل مكسور أو تالف
وصلتك ريحة غير اللي طلبتها
العدد ناقص عن اللي في طلبك

إزاي تبلّغنا

الباقي بتدفعه عند الاستلام، يعني تقدر تفتح وتعاين الطلب قدام مندوب الشحن قبل ما تدفع باقي المبلغ. لو لقيت مشكلة، ارفض استلام الشحنة أو كلمنا على طول.

ولو اكتشفت مشكلة بعد ما المندوب مشي، كلمنا خلال ٤٨ ساعة من الاستلام وابعتلنا صورة توضّح المشكلة، وإحنا نتصرف.